Të shtëna të shumta armësh janë dëshuar rreth orës 04:50 të mëngjesit të sotëm në Mitrovicë, të cilat kanë shqetësuar banorë të qytetit.
Në një video të siguruar nga Veriu.info, dëgjohet rafale armësh, të cilat kanë zgjatur për disa minuta pa ndërprerë.
Veriu.info ka kontaktuar më zëdhënësin e policisë për rajonin e Mitrovicës së jugut, Avni Zahiti, i cili ka thënë se nuk kanë informacione për të shtëna me armë që mund të kenë ndodhur në mëngjes.
Të njëjtën përgjigje e ka pasur edhe shefi i Operativës Rajonale për Mitrovicën e Veriut, Petrit Fejza, i cili ka thënë se nuk ka pasur të shtëna armësh në veri.
Në funksion të sqarimit të situatës, Veriu.info ka kontaktuar zyrtar të FSK-së të kazermës në Mitrovicë për t’i pyetur a kanë pasur ushtrime, nga ku kemi marrë përgjigje se të shtëna me armë nuk kanë ardhur nga FSK-ja.
Redaksia e veriu.info ka tentuar të kontaktoj edhe me Akademinë e Kosovës për Siguri Publike, por që në numrin e vetëm që e kanë publik nuk e kanë hapur për përgjigje.
Ndryshe, në zonën nga ku dyshohet se dëgjoheshin krismat e armëve, policia e Kosovës e shfrytëzon për ushtrime.
