Televizioni i njohur amerikan Fox News, përkrahës i Donald Trumpit ndërvite, i ka kushtuar një artikull mandatit të katërt të Edi Ramës si kryeministër i Shqipërisë.
“Teksa Evropa pohon se është kampione e demokracisë, me qetësi ka fuqizuar autokratët si kryeministri i Shqipërisë Edi Rama. I zgjedhur për mandatin e katërt me supershumicë të aftë për ta anashkaluar edhe kushtetutën, Rama tani njihet nga kritikët si “Ramaduro” i Evropës – nofkë nga Nicolas Maduro i Venezelës, për shkak të akuzave për korrupsion, tendencave autokrate dhe mjeshtërisë për shmangie politike”, shkruan Fox News.
“Ish-dishepulli i George Sorosit dhe Open Society, Rama e ka shndërruar veten në kameleon politik – duke shkrirë imazhin e tij që të përputhet me interesat e elitave botërore dhe të fuqishmëve rajonal”, shkruan më tej gjiganti i njohur amerikan.
Fox News shkruan se Rama është i afërt me Giorgia Melonin e Italisë dhe i bindet presidentit turk, Recep Tayyip Erdogan.
“Ai ka konsoliduar pushtetin në Shqipëri teksa ka avancuar iniciativat e përkrahura nga Sorosi në Ballkan. Së fundmi ka marrë dhe një rol: socialistin progresiv që punon për të minuar iniciativat e periudhës së Trumpit në Evropë”, shkruan Fox News.
“I njohur për retorikën kundër Trumpit – përfshirë deklaratën famëkeqe të tij në CNN kur e quajti Trumpin si ‘turpin e civilizimit tonë’ – ama është shndërruar në favorit tek elitat evropiane dhe te demokratët amerikan. Mbijetesa e tij politike varet në linjë me urdhrin kundër Trumpit, edhe atëherë kur lidershipi i tij po rrëshqet drejt autoritarizmit”, shkruan veç të tjerash Fox News.
