Prej shekujsh, tradita e gjakmarrjes ka qenë thellë e rrënjosur në kulturën tonë, duke qëndruar si simbol i nderit dhe besnikërisë në një kohë kur nuk ekzistonte një sistem i rregullt drejtësie.
Sot, populli shqiptar ka në dispozicion një drejtësi që mund të sigurojë drejtësi dhe siguri – pavarësisht nëse jetojmë në Shqipëri, Kosovë, Maqedoninë e Veriut apo në diasporë. Është koha të lëmë pas përfundimisht hijen e errët të gjakmarrjes, e cila shpesh na pengon dhe na vë në një dritë të keqe si popull.
Gjakmarrja nuk i përket më shoqërisë së sotme dhe bie ndesh me vlerat e respektit, nderit dhe mbështetjes reciproke që na bashkojnë si komb. Në vend të ndërmjetësve privatë që shpesh kërkojnë përfitime personale, duhet të besojmë te shteti i së drejtës. Vetëm kështu mund të krijohet paqe mes familjeve, e cila bazohet në drejtësi dhe barazi, jo në para apo detyrime të vjetra.
Thirrja ime për të gjithë popullin shqiptar është e qartë:
Le të jemi një komunitet që vendos paqen dhe drejtësinë mbi të kaluarën. Qoftë gjakmarrja një kapitull i historisë sonë, që ta mbyllim njëherë e përgjithmonë, për të ndërtuar një të ardhme të përbashkët dhe paqësore.
