Lëvizja Vetëvendosje erdhi në pushtet me mbi 50% të votave në vitin 2021, ku njëra prej zotimeve të saj gjatë gjithë kohës sa ka qendruar në opozitë ishte ‘luftimi’ apo thyerja e oligarkëve në Kosovë.
Por duket se ardhja në pushtet ua ndrroj fokusin, pa çka ministrat e Qeverisë Kurti filluan të koketonin pikërisht me biznesmenët më të mëdhenj të Kosovës.
Së fundmi ministri i Punëve të Brendshme, ministria e të cilit kontrollon edhe Policinë e Kosovës, është parë në veri të Mitrovicës nën shoqërimin e njërit prej biznesmenëve më të fuqishëm në Kosovë, Shaip Mikullovci.
Sveçla e Mikullovci këtë javë kanë qendruar së bashku në një kafiteri në veri të Mitrovicës, ku në shoqërimin e tyre ishte edhe zëvendësdrejtori i policisë në rajonin e veriut, Veton Elshani dhe Ylber Kuraja, ortak dhe drejtor i kompanisë së Shaip Mikullovcit.
Foto me numër: 1) Shaip Mikullovci, 2) Xhelal Sveçla dhe 3) Ylber Kuraja
Shaip Mikullovci, i cili tash ka afërsi për takime private me Xhelal Sveçlën, dikur njihej si biznesmen që kishte mbështetjen e ish kryeparlamentarit dhe ish shefit të ShIK-ut, Kadri Veseli.
Ishte viti 2016 kur kryeparlamentari i atëhershëm Kadri Veseli, kishte realizuar vizitë të paprecedentë në Vushtrri, edhe atë pikërisht në pronën e privatizuar të Shaip Mikullovcit, të cilën ky i fundit nuk kishte mundur ta shfrytëzonte për një kohë pas privatizimit, për shkak se kishte qenë e uzurpuar.
Asokohe Shaip Mikullovci dhe bashkëpunëtori i tij Ylber Kuraja, shiheshin krah për krah me Kadri Veseli, ky i fundit i atakuar me shumë akuza nga Lëvizja Vetëvendosje.
Para lirimit të pronës së Shaip Mikullovcit, Kadri Veseli kishte marrë një iniciativë për largimin e uzurpatorëve nga pronat publike. “Kur kam filluar iniciativën për largimin e uzurpatorëve nga pronat publike, të cilët kishin 16 vjet që abuzonin me pronat publike në Kosovë, kishte dyshime nëse do t’ia dilnim. Ata që ishin uzurpatorë, ju bindën forcës së ligjit, sepse ata u bindën se iniciativa nuk ishte selektive, por ishte kundër të gjithëve. Ligji është mbi të gjithë”, ka thënë më pas Kadri Veseli, nga e cila e iniciativë kishte përfituar Shaip Mikullovci duke marrë në shfrytëzim pronën e tij.
Në një raport të publikuar nga ueb faqja “Data4X” për vitin 2022, thuhet se kompania “ProEx” e Shaip Mikullovcit dhe Ylber Kurajës ka zënë vendin e 7-të në Kosovë për qarkullim vjetor me 182 milionë euro.
Tash se si arriti Xhelal Sveçla të krijoj afërsi me biznesmenin Shaip Mikullovci sa që edhe të dalin për kafe së bashku në veri kjo nuk dihet, por ne do të minotorizojmë aktivitetin afaristë të këtij të fundit që do ta ketë muajve vijues në komunat veriore, atje ku ministri Sveçla thotë se po e rrit sigurinë.
Video ku shihet qendrimi së bashku në kafene i Xhelal Sveçlës me Shaip Mikullovcin: https://www.youtube.com/watch?v=kMlGhVvSg9Y
Ndryshe, biznesmenët që më së shumti i ka atakuar Lëvizja Vetëvendosje në Kosovë janë vëllezërit Blerim e Shkëlqim Devolli për të cila ka thënë ndër vite se kanë përfituar dhjetra miliona euro në mënyrë të padrejt në resurset publike.
Përderisa kanë sulmuar Devollët, ata tash si për ironi kanë afruar raportuar me Shaip Mikullovcin, i cili ka raporte të afërta biznesore me Blerim Devolli.
Burime të Veriu.info tregojnë se kompania e Shaip Mikullovcit i ka zyret “Central Park” në Fushë Kosovë, qendër biznesore, ku njëri prek pronarëve është pikërisht Blerim Devolli. Kujtojmë se ish deputeti i LVV-së, Florin Krasniqi, kishte thënë se Albin Kurti pa pranuar 10 mijë euro kesh ndihmë financiare nga Blerim Devolli.
Vlen të përmendet se Shaip Mikullovci është pronar me 93% të aksioneve në kompaninë “CDI – Kosovo L.L.C”, ndërsa 7% të aksioneve i zotëron Ylber Kuraja. “CDI – Kosovo L.L.C” është pronare me 100% të aksioneve ne kompaninë “ProEx”, e cila zotëron rrjetin e super marketeve “Interex”.
Me numër të njëjtë të aksioneve Shaip Mikullovci e Ylbër Kuraja janë pronarë edhe në kompaninë “CDI IP SH.P.K.”, kompani e cila zotëron rrjetin e pikave të karburanteve të naftës “IP Petrol”.
