Veriu.info mëson se vitin e fundit tregun ballkanik, duke e përfshirë Kosovën, e ka përfshirë kontrabanda e cigareve të fabrikës së cigareve nga Serbia “MONUS” me pronar Predrag Rankovic, që njihet me nofkën Peconi, ku këto cigare eksportohen nga fabrika e “Monus” për në vende të treta sipas dokumentacionit zyrtar, mirëpo në realitet nuk e lëshojnë Serbinë fare dhe pastaj kryesisht kontrabandohen ne vendet e rajonit ku shiten ne treg te zi.
Kjo njihet si “shpërlarje e letrave”, ku një mall bën eksport fiktiv të dokumentacionit dhe pastaj mallin e shet pa paguar taksat. Predrag Rankovic me nofkën Peconi njihet për kontrabandimin e cigareve në Ballkan për dekada.
Foto: Predrag Rankovic
Vlen të theksohet se vetëm nga sasia e konfiskuar sot Kosova do kishte humbur rreth 40.000€ taksa.
Ndryshe, sot, por edhe në raste tjera kohëve të fundit, Policia e Koso ka arritur të parandaloj kontrabandimin e mallerave të kësaj fabrike si Monus, Fast, Loyd etj.
Policia e Kosovës në vazhdën e aktiviteteve për luftimin e veprimeve të kundërligjshme ndërkufitare, sot ka parandaluar një rast të kontrabandimit me mallra.
“Ekipet patrulluese të Njësisë për Ndërhyrje të Shpejtë-Veri, në realizim e sipër të një plani taktik-operativ, bazuar në një informatë të pranuar, me datën 25.08.2025 në fshatin Cerajë-KK Leposaviq, kanë hasur në një automjet të braktisur kombi VË Transporter, ngjyrë e bardhë, me targa RKS, i mbushur me cigare të llojeve të ndryshme, pa banderola, që dyshohet të jenë të kontrabanduara nga territori i Serbisë në Republikën e Kosovës”, thuhet në njoftimin e policisë.
Bëhet e ditur se sasia e përgjithshme e mallit vlerësohet të jetë në total prej 797 000 copë cigare në vlerë rreth 80 mijë (80 000) euro.
“Me autorizim të prokurorit të Shtetit, automjeti dhe cigaret e kontrabanduara janë dërguar në terminalin doganor për trajtim të mëtejshëm nga njësitë përkatëse të PK-së dhe nga Dogana e Kosovës”, përfundon njoftimi./Veriu.info
