Presidenti i Shteteve të Bashkuara të Amerikës, Donald Trump ka bërë të ditur se Mark Brnovich do të jetë ambasador i SHBA-ve në Serbi.
Mark Brnovish është pjesë e Partisë Republikane, i cili po ashtu është me origjinë serbe.
Presidenti i SHBA-ve, përmes një postimi në rrjete sociale ka njoftuar se e ka përzgjedhur Brnovichin.
Tutje, ai ka thënë se Mark Brnovich është veteran i Gardës Kombëtare të Ushtrisë, dhe në të kaluarën ka shërbyer si Prokuror i Përgjithshëm për shtetin e madh të Arizonës.
Në njoftimin e tij, ai e ka uruar ambasadorin Brnovich për detyrën e re, dhe ka deklaruar se ky i fundit do ta vendosë Amerikën gjithmonë të parën.
‘Kam kënaqësinë të njoftoj se Mark Brnovich do të jetë ambasadori ynë i ardhshëm i Shteteve të Bashkuara në Serbi. Mark është një veteran krenar i Gardës Kombëtare të Ushtrisë dhe më parë ka shërbyer si Prokuror i Përgjithshëm për Shtetin e Madh të Arizonës. Si bir i refugjatëve që ikën nga komunizmi, Marku do të jetë një avokat i fortë për Lirinë dhe gjithmonë do të vendosë AMERIKËN TË PARËN. Urime Mark!’’, ka shkruar ai.
