Presidenti i Shteteve të Bashkuara, Donald Trump, po zhvillon një takim me ekipin e tij të sigurisë kombëtare në Dhomën e Situatave, sipas një zyrtari të Shtëpisë së Bardhë.
“CNN” raporton se presidenti amerikan po shqyrton nëse SHBA duhet të përfshihet më tej në konfliktin e vazhdueshëm mes Izraelit dhe Iranit. Ai u largua një ditë më herët nga samiti i Grupit të 7 në Kanada për t’u rikthyer në Uashington.
Disa informacione shtesë:
Izraeli u ka kërkuar Shteteve të Bashkuara një qëndrim thjesht “mbrojtës” në mes të konfliktit të tij me Iranin, ka thënë për CNN ambasadori izraelit në SHBA, Yechiel Leiter.
Më shumë se 30 avionë amerikanë për furnizim me karburant në ajër janë dërguar në rajon gjatë ditëve të fundit, për t’u përgatitur për mundësinë që Trump të urdhërojë Forcën Ajrore të SHBA të ndihmojë në furnizimin me karburant të avionëve luftarakë izraelitë gjatë kryerjes së sulmeve ndaj Iranit, sipas dy burimeve të njohura me çështjen që folën për CNN.
