Avokatja e njohur kosovare, Fehmije Gashi Bytyqi, ka përshkruar ish-presidentin e Kosovës, Hashim Thaçi, si një “Uragan” që ka ndryshuar rrjedhën e historisë së Kosovës.
Në një postim të saj në rrjetet sociale, ajo e falënderoi babain e presidentit, Haxhi Thaçin, për edukimin e një djali që ka tronditur themelet e regjimit serb dhe ka sjellë lirinë që sot e gëzojmë.
Sipas avokates Gashi Bytyqi, kontributi i Haxhi Thaçit në jetën e djalit të tij ka qenë thelbësor në formimin e një lideri të guximshëm dhe vizionar, i cili ka luajtur një rol kyç në çlirimin e Kosovës.
Ish-presidenti Hashim Thaçi ka udhëtuar dje për të vizituar babain e tij të sëmurë, Haxhi Thaçin, i cili është i shtrirë në Qendrën Klinike Universitare të Kosovës.
