Deputetja e Lëvizjes Vetëvendosje, Albulena Haxhiu, ka shprehur pakënaqësi ndaj vendimit të Gjykatës Supreme, duke e cilësuar si “aktgjykim të habitshëm” dhe duke thënë se ai ka tejkaluar kompetencat e saj.
Duke komentuar situatën me udhëzimin administrativ të Ministrit Murati, Haxhiu shtoi se do ta dërgojnë në Gjykatën Kushtetutese.
“Në cilën faqe shkruan vendimi i Supremes që ne duhet t’i lirojmë. Unë nuk jam deklaruar për këtë, por për mua ka qenë një aktgjykim i habitshëm, por meqë po më pyesni për mua ka qenë një aktgjykim i habitshëm sepse së pari i ka tejkaluar kompetencat që ka, ka hyrë në kompetencat e Kushtetueses, ne do ta ankimojmë vendimin e Supremes sepse e kemi të drejtën e dërgimit në Gjykatë Kushtetuese, prandaj do t’i mbetet Gjykatës Kushtetuese që ta bëjë vlerësimin për këtë”, tha ajo.
