Biznesmeni Faton Dalladaku ka rrëfyer për mashtrimet që i bënë Rrahim Hashimi e Kadri Rexhepi. Dy persona që ai thotë që iu prezantuan edhe si përfaqësues të ish-kreut të PDK-së, Kadri Veseli e nënkryetarit, Xhavit Haliti.
Në InDoks, prodhim i Gazetës Insajderi Dalladaku rrëfen për përvojën e gjatë që e pati me Rrahim Hashimin e Kadri Rexhepin por edhe me Ekrem Likën. Ai përmendin edhe fondet e luftës. Më konkretisht ato të “Vendlindja Thërret”.
Sipas tij grupi i Kadri Veselit priste para nga ky fond.
“Prej vitit 2011 siç e ceka edhe më herët fillova të ju jap mjete të gatshme grupit të Kadri Veselit, Rrahim Hashimit dhe Ekrem Likës dhe kjo vazhdojë edhe në 2012-ën. Kinse ata pritshin mjete prej diku “Vendlindja thërret”, në Amerikë sot a nesër me mi kthy mjetet por edhe mjetet e veta sepse planifikofshin në shtator në zgjedhjet e parakohshme, shumë interesant është – u përputheshin gjërat”, deklaroi ai.
Ndërkohë, hedh akuza të rënda ndaj PDK.
“Dhjetë vjet i kanë fsheh ato pare, tash po i merr PDK-ja, pare ilegale më thoshin edhe ju kam thënë nuk pranojë pare ilegale dhe më kanë bind smundesh me pas ti pare ilegale nëse i ki bank duhesh me pagu tatim për ato pare mi rujt”, sqaron tutje ai.
Ai thotë se ka incizime derisa Kadri Rexhepi i përmend se sa miliona po prisnin nga fondi “Vendlindja thërret”.
“Në incizime ka, Kadri Rexhepi i përmend. Fillimisht janë kanë disa, mandej 20 mandej 29 milionë. Unë pak kam besu, mirëpo thosha mos po derdhet pak mjete atëherë ti tërheqi të mijat dhe ti bllokojë po fatkeqësisht nuk ndodhi”, rrëfeu ai për InDoks.
Por sa para, sipas Dalladakut ia ka marrë grupi i Rrahim Hashimit me Kadri Rexhepin?
“Sipas dokumentacionit që e kam dorëzuar në gjykatë Rrahim Hashimin për pare të gatshme po flas pa kolaterale, pa hipoteka vec pare të gatshme sikur që e keni parë në kamera ato 50 mijëshet janë 800 mijë euro. Gjenë arsyetime për gjithçka. Kur i kam dhënë mjetet, paret që i kam dhënë p.sh 800 mijë menjëherë, 5 mijë, 10 mijë , 20 mijë për atë është mbledh krejt shuma se çdo herë i kam regjistru këtë, mbi 800 mijë dikun 800 e 40 e diçka mijë euro”, thekson Dalladaku. .
Pas shumë kohe e procesesh gjyqësore, Gjykata Supreme në fund vendosi që të binin akuzat për mashtrim kundër Kadri Rexhepit e Rrahim Hashimit, për videot që janë bërë nga Dalladaku e ku ata shihen në to duke marrë shumë para.
Në vendim Gjykata Supreme kishte konstatuar se në këtë çështje penale kishte arritur parashkrimi relativ i ndjekjes penale, meqenëse për veprën penale për të cilën është dënuar Kadri Rexhepi maksimumi i paraparë ligjor është pesë vjet, çka sipas tyre, e bën pretendimin e mbrojtësve të bazuar.
Përveç telasheve me Kadri Rexhepin e Rrrahim Hashimin. Faton Dalladaku për herë të parë në intervistë për InDoks ka rrëfyer edhe për problemet me grupin e Ismet Currit, i njohur si “Curri”. Pastaj për rastin me biznemesnnin Zekë Jasiqi.
Në këtë intervistë Dalladaku përmend edhe telshat që ka me vëllezërit Arben e Astrit Krasniqi, të njohur si djemtë që në Kosovë sollën aparatat e bixhozit. Apo të njohur si djemtë e “Apexave”.
Jo rrallë herë në këtë rrëfim përmendet termi shantazh, zhvatje, marrje pronash e parash.
Rrëfimi i Dalladakut duke sikur një histori filmi.
Dokumentari i plotë: Rrëfimi i Faton Dalladakut – Viktima e ‘Currit’, ‘Apexave’ dhe të tjerëve:
