Kanë mbetur më pak se dy muaj deri në ngjarjen Samsung Galaxy S25 Unpacked dhe tashmë në rrjetet sociale po shfaqen informacionet e para.
Së fundmi, një përdorues i platformës Reddit ka publikuar një video që gjoja tregon se si do të duket Samsung Galaxy S25 Ultra i ri, por edhe si do të duket Android 15 në platformën OneUI 7.
Galaxy S25 Ultra ka qoshe të rrumbullakosura dhe skaje të drejta që duket se janë pak të lakuar nga pjesa e pasme. Këto janë ndryshime të rëndësishme të dizajnit që duhet ta bëjnë telefonin e madh edhe më të lehtë për t’u përdorur se paraardhësit e tij.
Kujtojmë se Galaxy S24 Ultra (në foton e kopertinës) është në formë drejtkëndëshe, ka anët e sheshta të sipërme dhe të poshtme dhe skajet e lakuara. Ky dizajn e bën pak të vështirë përdorimin për periudha të gjata, veçanërisht nëse po përpiqeni ta kontrolloni me njërën dorë.
