Kryeministri i Shqipërisë, Edi Rama, ka tërhequr sërish vëmendjen e mediave italiane dhe ndërkombëtare me sjelljen e tij ndaj kryeministres italiane, Giorgia Meloni, gjatë Konferencës për Rindërtimin e Ukrainës të mbajtur në Romë.
Në pamjet e publikuara në rrjete sociale, Rama shihet duke e përshëndetur Melonin në një mënyrë të veçantë, duke u ulur në gjunjë, një gjest që e ka bërë edhe më parë, sipas A2 CNN.
Menjëherë pas këtij momenti, mes tyre duket se ka pasur një shkëmbim të shkurtër fjalësh teksa pozicionoheshin për fotografinë zyrtare.
Në video vërehet gjithashtu se Rama ngatërroi drejtimin se nga duhej të shkonte, derisa Meloni ndërhyri për ta udhëzuar.
