Rrjeti i marketeve “Viva Fresh SH.P.K” e biznesmenit Xhevdet Rexhepi vitin e kaluar ka realizuar qarkullim prej rreth 370 milionë euro, apo rreth 40 milionë euro më shumë se në vitin 2024. Megjithë rritjen e qarkullimit kompania “Viva Fresh SHPK” ka reduktuar numrin e punëtorëve për 64 gjatë vitit 2025, në krahasim me vitin 2024..
Sipas raportit të pasqyrave financiare për vitin 2025 të dërguara në kompania e Xhevdet Rexhepit në Ministrinë e Financave vitin e kaluar kompania ka pasur 3688 të punësuar, përderisa numri i punësuarëve të deklaruar nga vet kompania në vitin 2024 kishte qenë 3752.
“Viva Fresh Sh.P.K” sipas raporteve financiare gjatë vitit 2025 ka realizuar fitim neto prej hiç më pak se 18.3 milionë euro, përderisa fitimi bruto i deklaruar për vitin e kaluar është 66.4 milionë euro, raporton FrontOnline.
Përndryshe, “Viva Fresh SH.P.K” merret me shitjen me pakicë të produkteve dhe ka 117 markete në gjithë Kosovën
Kompania është në pronësi të Xhevdet Rexhepit.
