Sonte në edicionin më të ri të emisionin Rubikon, u diskutua lidhur me zhvillimet më të fundit politik në vend.
E një nga temat që u trajtua nga panelistët e ftuar në studion e Klan Kosovës, ishte edhe moscertifikimi i Listës Serbe, nga Komisioni Qendror i Zgjedhjeve.
Analisti Vehbi Kajtazi, përmendi një rast të vitit 2019-të, kur Lëvizja Vetëvendosje kishte insistuar që votat joligjore nga Beogradi që pranoheshin.
“Në 2019-tën, është seni ma interesant që ka ndodhur ndonjëherë. Ju kujtohet ato votat e parregullta prej Serbisë që erdhën, dhe u bë një panik sikur janë të infektuara me një lloj substance. Dhe punëtorët e KQZ-së filluan të i numërojnë votat sikur në karantinë”, deklaroi Kajtazi në Klan Kosova.
“Dhe a e di se çka është më interesant? Këto votat e parregullta nuk i ka pranuar KQZ-ja, i ka refuzuar. Lista Serbe, nuk është ankuar në PZAP e në Gjykatën Supreme. Lëvizja Vetëvendosje është ankuar në Gjykatën Supreme, në PZAP me i pranu këto votat që kanë ardhur nga Serbia”.
“Dhe a e dini pse? Sepse rritej përqindja dhe mbetej jashtë Nisma për Kosovën”, tha Kajtazi në Rubikon të Klan Kosovës.
