WhatsApp po vazhdon të testojë veçori të reja përmes kanaleve të tij beta, dhe së fundmi ka sjellë një sërë risish që pritet të përmirësojnë përvojën e përdoruesve – veçanërisht në iOS, shkruan Gazeta Sinjali.
Tani, treguesit e statusit janë shtuar në bisedat në grup, duke i mundësuar përdoruesve të shohin se cilët anëtarë janë të disponueshëm, pikërisht poshtë emrit të grupit, shkruajnë mediat e huaja.
Përveç kësaj, përdoruesit kanë opsionin të zgjedhin marrjen e pikave kryesore nga grupet, çka ndihmon në kufizimin e njoftimeve të shumta që shpesh krijojnë ngarkesë.
Një tjetër risi për përdoruesit e iOS është aftësia për të skanuar dhe dërguar dokumente drejtpërdrejt përmes WhatsApp. Aplikacioni tani mund të vendoset edhe si i paracaktuar për mesazhe dhe telefonata – mjafton të shkoni te Settings – Default – WhatsApp dhe funksioni aktivizohet menjëherë.
Video thirrjet janë gjithashtu përmirësuar ndjeshëm – duke ofruar cilësi më të mirë dhe më shumë besueshmëri. Tashmë është e mundur të kaloni shpejt në cilësinë HD nëse shpejtësia e internetit është e kënaqshme, duke garantuar një përvojë vizuale shumë më cilësore.
