Sot ne ora 11:00 mbahet mbledhja e Kuvendit Zgjedhor të degës së LDK-së në Vushtrri, ku pritet të zgjedhet kryetari i ri i degës.
VeriuInfo mëson se ish kryetari i komunës, Xhafer Tahiri dhe asamblisti e ish drejtori i Kadastrit, Adnan Lahu, kanë shprehur ambiciet për të kandidatuar për kryetar dege në Kuvendin e sotëm.
Po ashtu mësohet se për shkak të përçarjes që mund të shkaktohet nga kandidaturat e ish kryetarit të komunës dhe ish drejtorit të tij, pra Xhafer Tahirit e Adnan Lahut, në shprehje mund të vije një kandidat konsensual për kryetar dege.
Burime të VeriuInfo bëjnë të ditur se kandidati konsensual që sot mund të paraqet kandidaturën për kryetar dege, është Afrim Namai, ish drejtor komunal i Arsimit në mandatin qeverisës të Xhafer Tahirit.
Ndryshe, i gjithë procesi zgjedhor nëpër nëndegët e LDK-së në Vushtrri është përcjellur me pakënaqësi javëve të fundit, pasi që një pjesë e madhe e strukturave të LDK-së kanë akuzuar Xhafer Tahirin dhe Komisionin Zgjedhor se po i mbajnë të fshehura lokacionet e Kuvendeve dhe rrjedhimisht Kuvendet po i mbajnë vetëm me ‘dosta’, por pa gjithëpërfshirje të strukturave dhe anëtarëve të LDK-së.
