Sot ka përfunduar procesi i numërimit të votave për kandidatët për Asamble Komunale në Mitrovicë.
Në listën e Lëvizjes Vetëvendosje në Mitrovicë më i votuari është kandidati Jeton Zeneli, i cili ka marrë plot 546 vota, duke dalë dukshëm i pari, raporton Gazeta Online Veriuinfo.
Por Zeneli jo vetëm që është më i votuari i këtyre zgjedhjeve, por ai është personi më i votuar ndonjëherë në historinë e Lëvizjes Vetëvendosje në zgjedhje lokale në Mitrovicë.
Prej që Vetëvendosje merr pjesë në zgjedhje, këtë numër të votave nuk ka arritur ta marrë asnjë kandidat i kësaj partie.
Në këtë numër të votave nuk përfshihen edhe votat me postë nga diaspora, të cilat nuk janë numëruar ende.
Pra ky numër i votave mund të rritet pas numërimit edhe të atyre të diasporës./Veriuinfo/
