Kryetari i Lidhjes Demokratike të Kosovës, Lumir Abdixhiku, së bashku me bashkëpartiaken dhe kandidaten për Presidente nga ky subjekt politik, Vjosa Osmani, kanë zhvilluar takim me kryetarin e Vetëvendosjes, Albin Kurti, në përpjekje për të arritur një marrëveshje për formimin e institucioneve.
Pas takimit të njëjtit deklaruar se u dakorduan për t’u takuar sërish por që nga takimi nuk u dol me ndonjë zhvillim konkret.
Në lidhje me këtë takim dhe a e përkrahim një koalicion të mundshëm LDK-LVV kanë folur nga Lidhja Demokratike e Kosovës.
Zyrtarja e këtij subjekti politik, Fiknete Bejta, tha për “Gazeta Blic” se kryetari i LDK-së, Abdixhiku i ka të gjitha kompetencat për të vendosur në lidhje me këtë çështje pasi Këshilli i Përgjithshëm i ka delegu një detyrë të tillë.
“Abdixhiku i ka të gjitha kompetencat me vendos në ketë drejtim, Keshilli i Pergjithshëm i ka delegu këtë detyrë Kryetarit në takimin e fundit te tij” tha shkurt Bejta.
Por zhvillimet e fundit nga kampi i LDK-së, ku u thirr Kuvendi me kërkesën për dorëheqjen e Abdixhikut sollën edhe ndërprejen e bisedimeve për formimin e institucioneve.
Kështu deklaroi dje kryetari i LDK-së, Lumir Abdixhiku.
“Në këtë pikë, më duhet poashtu t’i njoftoi qytetarët e vendit tim se për shkak të kësaj nisme, detyrohem t’i ndërpresë të gjitha angazhimet për formimin e institucioneve të Republikës, që i prisni me të drejtë, tash e sa kohë” deklaroi Abdixhiku raporton “Gazeta Blic”.
