Këngëtarja e njohur shkodrane, Eli Malaj, ka festuar sot 40-vjetorin e lindjes. Mes luleve, tortës dhe urimeve të shumta, artistja ka zgjedhur ta presë këtë ditë të veçantë me shumë humor.
Në një fotografi të publikuar nga festa, Eli e ka shoqëruar momentin me batutën: “Nuk du me tregu që i bana 40”.
Pavarësisht shakasë për moshën, këngëtarja ka ndarë edhe një mesazh të ndjerë mirënjohjeje për njerëzit që ka pranë dhe për të gjithë ata që e mbështesin.
“I jam mirënjohëse Zotit, familjes, miqve, e ju që më doni dhe pa më taku asnjëherë”, ka shkruar ajo, duke shtuar se ndihet me fat dhe duke uruar që njerëzit e saj t’i ketë pranë “sot e mot”.
Eli Malaj ka lindur më 9 shtator 1986 në Shkodër dhe prej vitesh është një nga emrat më të njohur të muzikës live dhe festive shqiptare. Në moshën 18-vjeçare ajo u zhvendos në Tiranë, ku nisi të ndërtonte më seriozisht karrierën e saj muzikore.
Një detaj pikant është se vetëm një vit më parë, Eli publikoi edhe projektin muzikor “Ditëlindja”, në bashkëpunim me Bes Kallakun.
Këtë herë, duket se kënga e ditëlindjes mund t’i kushtohet vetë asaj. Me një ndryshim të vogël: numri 40, të cilin Eli po përpiqet ta mbajë “sekret”.
