I ka bërë një vit në krye të komunës, por kryetari i Mitrovicës Bedri Hamza vazhdon të përuroj projekte të filluara dhe të nënshkruara nga ish kryetari Agim Bahtiri.
Një gjë të tillë Hamza e ka bërë edhe sot, duke dhuruar çelësat e 40 shtëpive në fshatin Frashër për familjet me nevoja sociale, projekt ky i filluar nga ish kryetari Agim Bahtiri në bashkëfinancim me “Qatar Charity”, raporton Gazeta Online Veriu.info.
Ky projekt ka filluar gjatë gjatë qeverisjes së Bahtirit në vitin 2020 ku komuna kishte ndarë tokën dhe kishte bashkëfinancuar me organizatën “Qatar Charity”.
Madje gjithë investimi ishte bërë gjatë qeverisjes së kaluar, por as kjo nuk ka mjaftuar që komuna e Mitrovicës në njoftimin e sotëm zyrtar të tregojë se kur kishte filluar projekti.
Madje në komunikatë mundohet tinëzisht t’i ikë kohës së fillimit të projektit.
Kjo është komunikata e komunës:
Kurse këtu gjeni njoftimin e Bahtirit në fillimin e projektit:
Në rrjetet sociale janë lehtë të qasshme fotot, ku shihet Agim Bahtiri duke nëshkruar marrëveshjen për ndërtimin e këtyre shtëpive dhe momentin nga vënia e gurthemelit për ndërtimin e tyre./Veriu info
