IPKO po vazhdon të abuzojë me çmime për diasporën duke i shitur numra të rinj me çmime shumë të larta.
Veriu.info para publikimit të shqetësimeve të ngritura nga qytetarët, ka kontaktuar zyrën për komunikim në IPKO, por të njëjtit vazhdimisht i kanë ikur përgjigjes direkte për numrat e rinj, derisa pas insistimit tonë kanë thënë se çmimet e numrave të rinj fillojnë nga 2.95 euro deri 17.99 euro.
Gazetari i Veriu.info pas kësaj ka vizituar qendrën kryesore të IPKO-s në Mitrovicë ku kemi kërkuar numra të rinj me këtë çmim, por që aty nuk kishte numra nën çmimin 25 euro, por vetëm 25 euro, 35 euro dhe 50 euro.
Veriu.info ma siguruar kuponin e blerjes së një numri të ri nē qendrën kryesore tē IPKO në Mitrovicë me çmim 35 euro.
Kjo blerje është bërë me datë 17 korrik siç shihet në kupon.
Po ashtu qytetari ka deklaruar se në IPKO i është thënë se nuk kanë numra më të lirë se sa aq.
“Edhe pse unë jam nga Mitrovica dhe jetoj në Mitrovicë, më thanë që s’ka mumra më tē lirë. Kur kam kqyr të shtunën me ble numër më i liri ka qenë 25 euro, po nuk e bleva sepse mu duk i shtrenjt. Ndërsa të hënën nuk kishte më as të 25 euro, më të lirin ma ofruan me 35 euro”, tha mitrovicasi për Veriu.info, duke e prezantuar edhe kuponin fiskal.
Ky çmim del të jetë astronimik, krahasuar me çmimet që ka ofruar operatori para fillimit të sezonës verore, të cilat fillonin nga 2.95 euro.
