Policia e Kosovës ka arrestuar dy persona të cilët javën e kaluar kanë grabitur një taksist në Prizren.
Sipas policisë lidhur me rastin janë identifikuar dy persona të vitit të lindjes 2004.
Policia njofton se në shtëpitë e të dyshuarve janë gjetur elemente dhe prova të veprës penale të grabitjes.
“Pas një pune intensive, hetuesit policor kanë arritur të bëjnë identifikimin e personave të dyshimtë, ku të njëjtit sot me urdhër të Gjykatës Themelore në Prizren janë kontrolluar dy lokacione dhe janë bastisur shtëpitë ku janë gjetur elementet dhe provat e veprës penale të grabitjes. Andaj, të dyshimtit E.K i lindur në vitin 2004 dhe L.B i lindur në vitin 2004, janë identifikuar dhe arrestuar. Ne lidhje më rastin është informuar prokurori i Shtetit, i cili ka lëshuar aktvendim për ndalim në mbajtje në afat prej 48 orë”, thuhet në njoftim.
Njoftimi i plotë:
Policia në Prizren, me datë 14 dhjetor 2021, në rrugën “Ekrem Rexha” në Prizren, kishte pranuar një informacion ku dy persona të dyshimtë kishin arritur të grabisin një taksist i cili ju kishte ofruar shërbime “Taxi” të dyshimtëve.
Pas grabitjes dhe dhunës së përdorur ndaj viktimës të dyshimtit ishin larguar në drejtim të panjohur për të qenë të paidentifikuar. Policia kishte filluar me hetimin e rastit dhe në cilësinë e viktimës ishte intervistuar një person i cili kishte lëndime trupore.
Pas një pune intensive, hetuesit policor kanë arritur të bëjnë identifikimin e personave të dyshimtë, ku të njëjtit sot me urdhër të Gjykatës Themelore në Prizren janë kontrolluar dy lokacione dhe janë bastisur shtëpitë ku janë gjetur elementet dhe provat e veprës penale të grabitjes.
Andaj, të dyshimtit E.K i lindur në vitin 2004 dhe L.B i lindur në vitin 2004, janë identifikuar dhe arrestuar.
Ne lidhje më rastin është informuar prokurori i Shtetit, i cili ka lëshuar aktvendim për ndalim në mbajtje në afat prej 48 orë.
