Policia e Kosovës mëngjesin e sotëm ka arrestuar në veri të vendit 5 persona. një shqiptar dhe 4 serbë nën dyshimin për kontrabandë me mallra nga Serbia.
Por kush është “Kaça” që njihet si njeriu kryesor i kontrabandës nga Serbia në Kosovë.
Zeqiri ka qenë i arrestuar disa herë nga Policia e Kosovës nën dyshimet për krim të organizuar dhe kontrabandë.
Kujtojmë se ai ishte arrestuar në vitin 2018 nga Policia e Kosovës, si i dyshuar për krim të organizuar.
Ai ishte shpallur në kërkim bashkë me disa persona tjerë në vitin 2021 si të dyshuar për kontrabandim me mallra.
Kaça është pronari i barnatores ku para rreth dy vitesh Njësia Speciale e Kosovës me anë të një aksioni kishte bastisur barnatoren e tij nën dyshimin për kontrabandë.
Edhe ish drejtori i policisë së Kosovës në atë kohë, Samedin Mehmeti kishte thënë se lokali ku u sulmuan policët e Kosovës ishtei një shqiptari, që është i njohur për veprimtari kriminale.
“Rreth orës 11 të gjitha njësitë policore që kanë pjesë në operacion janë tërhequr. Një informacion shtesë, në barnatoren ku janë sulmuar policët është lokal i një shqiptari që është i njohur për veprimtari kriminale. 26 lokacione, 8 persona janë arrestuar, 10 në kërkim, 10 zyrtarë policorë kanë pësuar lëndime. Lëndimet janë të lehta, të gjithë janë jashtë rrezikut për jetë. Një qytetar i lënduar, disa automjete zyrtare të dëmtuara, disave u është vënë zjarri. Pjesëtari që është i lënduar është një qytetar që ka precedent penal, ka qenë në 2011 u akuzuar për vjedhje të rëndë”, kishte thënë Mehmeti.
