Kanella është një nga erëzat më të njohura, por përdorimi i saj nuk kufizohet vetëm si suplement ushqimor.
Këtë erëz mund ta përdorni çdo ditë në shtëpinë tuaj si freskuese të dhomës, por edhe për trajtimin e mykut.
Nëse ju pëlqen aroma e kanellës, provoni ta përdorni në një mënyrë tjetër.
Një sërë vetish mjekësore të kanellës
Shtesë për bimët e shtëpisë
Bimët tuaja të shtëpisë mund të tërheqin mushkonjat dhe insektet e tjera, kështu që për t’i hequr qafe, vendosni kanellë në një tenxhere. Kanella ka veti antibakteriale që ndihmon në mbrojtjen e bimëve të shtëpisë dhe gjithashtu vret kërpudhat me të cilat ushqehen larvat e mushkonjave.
Aroma e shtëpisë
Era e kanellës është shumë specifike. Nëse ju pëlqen, mund ta përdorni në vend të freskuesit të ajrit. Në tenxhere duhet të vendosni disa shkopinj kanelle, lëkurë portokalli, disa karafila dhe ujë. Zieni në nxehje të ulët për ta bërë shtëpinë tuaj aromatike.
Zmbraps ndërhyrës të ndryshëm
Shumë insekte nuk e pëlqejnë erën e kanellës, ndaj është një mënyrë ideale për t’i hequr qafe ato në mënyrë natyrale. Mjafton të vendosni kanellë pranë dritareve, dyerve dhe hapjeve të tjera për ta parandaluar hyrjen e insekteve në shtëpi.
Për pastrim
Meqenëse ka veti antibakteriale dhe antifungale, kanellën mund ta përdorni si pastrues. Kombinoni kanellën me sodë buke dhe ujë për të bërë një pastë pastrues. Mund ta përdorni për t’i pastruar tavanet, lavamanët dhe sipërfaqe të ngjashme.
Shtoni një përbërës në kafe për përmirësimin e kujtesës, vigjilencës dhe ndjenjën e mirëqenies
Trajtoni mykun
Siç është përmendur tashmë, për shkak të vetive antifungale, mund të përdoret edhe për trajtimin e mykut. Merrni disa pika vaj esencial kanelle dhe përzieni me ujë. Spërkatni vendet ku ka myk. Por, kini kujdes, sepse nëse është një zonë më e madhe, duhet të telefononi ekspertë për heqjen e mykut. /Telegrafi/
