Nëse keni vënë re ndryshk në sipërfaqet metalike në shtëpinë tuaj – gjithçka që ju nevojitet për të pastruar njollat është salca e domateve (ketchup).
Sipërfaqet e çelikut dhe sipërfaqet tjera metalike në shtëpinë tuaj që lagen shpesh, janë veçanërisht të prira ndaj ndryshkut, megjithatë, kjo nuk do të thotë se ju duhet t’i zëvendësoni plotësisht pasi të shfaqen disa njolla të errëta.
Gjithçka që ju nevojitet është salca e domateve. Ketchup-i jo vetëm që pastron argjendin, por “bën mrekulli” në objektet prej hekuri dhe çeliku. Për t’i trajtuar njollat e vogla të ndryshkut me ketchup, aplikoni një sasi të madhe në zonën e prekur. Pasi ta bëni këtë, lëreni të thahet për disa orë.
Si të hiqni ndryshkun nga objektet? Provoni Cola-n, por ka edhe disa truke të tjera efektive
Lexo po ashtu
Si të hiqni ndryshkun nga objektet? Provoni Cola-n, por ka edhe disa truke të tjera efektive
Megjithëse ky truk mund të mos funksionojë mirë në sipërfaqet me një shtresë të trashë ndryshku të ngurtësuar, mund të shtoni pak uthull dhe pak ketchup shtesë kur shtresa aktuale të thahet.
Për njollat e forta, mund të përdorni një furçë teli apo edhe letër alumini për ta hequr ndryshkun nga metali.
Nëse kjo nuk ju ndihmon, mund ta bëni një hap më tej dhe të bëni një pastë me sodë buke dhe ujë, lëreni të qëndrojë për një orë përpara se ta fshini. Kjo, e kombinuar me ketchup, duhet të ndihmojë që pajisjet tuaja të duken si të reja. /Telegrafi/
