isa bjellorusë duan të luftojnë për Ukrainën që ta mposhtin Putinin në vendin e tyre
Lajme
Gazeta Express15/04/2022 13:11
Në një zonë të pyllëzuar në anën polake të kufirit Poloni-Ukrainë, burra me veshje të kamufluar në një tokë të baltosur mësojnë trajnimin bazë të mbijetesës.
Ata e quajnë veten Batalioni Pohonia, një grup prej më pak se 30 mërgimtarësh bjellorusë që jetojnë kryesisht në Poloni dhe vende të tjera anembanë Evropës, të cilët shpresojnë të bashkohen me qindra bashkatdhetarë të tyre të përfshirë tashmë në betejën për Ukrainën.
Luftëtarët vullnetarë aspirantë thonë se për të çliruar vendin e tyre nga kontrolli i presidentit rus Vladimir Putin, ai së pari duhet të mposhtet në Ukrainë.
Grupi, mosha e të cilit varion nga 19 deri në 60 vjeç, mban kopje të kallashnikovit. Pothuajse asnjë nuk ka përvojë luftarake.
Ata udhëhiqen nga disidenti Vadim Prokopiev. “Ne shohim një dritare mundësish”, i tha Prokopiev CNN të hënën.
“U bëj thirrje bellarusëve të bashkohen në betejën për Ukrainës, sepse ky është hapi i parë para atij të dytit, betejës për Bjelloruisnë”.
