Xheladin Krasniqi tash e disa muaj mbanë njërën nga pozitat më të rëndësishme në kuadër të ministrisë së Kulturës, Rinisë dhe Sportit, atë të Sekretarit të Përgjithshëm pasi u emërua nga ministri Hajrulla Çeku si zëvendësues i Sekretarit të Përgjithshëm.
Por edhepse mbanë pozitën e dytë më të rëndësishme në institucion, Xheladin Krasniqi duket se nuk di të shkruajë gjuhën shqipe drejt.
Në një komunikim me email që ka sekretari Krasniqi, Gazeta Online Veriu.info ka arritur ta sigurojë atë dhe shihet se Krasniqi e “masakron” gjuhën shqipe.
Madje gabimet në të shkruar të Krasniqit nuk janë të natyrës së disa dilemave gjuhësore që mund t’i kenë të gjithë që nuk janë studiues të gjuhës.
Më poshtë mund të shihni se si shkruan email sekretari Xheladin Krasniqi.
Por kjo nuk është e vetmja, pasi siç e lexuat më lartë sekretari Krasniqi përdor edhe një gjuhë aspak profesionale ndaj një zyrtare të një ministrie tjetër, duke përdorur një gjuhë që mund të konsiderohet e vrazhdë.
Kujtojmë që kohë më parë mediat në vend kishin raportuar edhe për vendimin e kundërligjshëm për emërimin e Krasniqit në këtë pozitë.
