Gjykata Themelore në Ferizaj ka shpallur aktgjykim dënues ndaj të akuzuarit Qëndrim Januzi, për vrasjejn e Gazmend Hysenit, në maj të 2022-ës në Ferizaj, duke e dënuar me dënim unik prej 17 vjet burgim.
Aktgjykimi ndaj Januzit u shpall sot pasi iu ri kualifikua vepra penale nga “Vrasje e rëndë” në “Vrasje”.
Për veprën penale “Vrasje”, Januzi u dënua me 16 vjet burgim, kurse për armëmbajtje pa leje me 1 vit e gjysmë burgim.
Ndaj tij, Gjykata shpalli dënim unik me 17 vjet burgim.
Të njëjtit i konfiskohet arma në mënyrë të përhershme.
Sipas aktakuzës, më 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri Qëndrim Januzi, me dashje dhe përgatitje paraprake kishte privuar nga jeta tani të ndjerin G.H dhe me atë rast kishte vënë në rrezik edhe jetën e Maliq Latifit, i cili kishte qenë para hyrjes së marketit si dhe të personave tjerë brenda në market, raporton Betimi për Drejtësi.
