Policia e Kosovës raportohet se ka hyrë në zyrën e njërës prej selisë së Bankës Postare Kursimore në veri të vendit.
Siç raporton “Kossev”, të pranishëm kanë qenë edhe EULEX.
Patrullat dhe zyrtarët e EULEX-it kanë qenë të pranishëm në vendin e ngjarjes, dy zyrtarë evropianë kanë qenë brenda, ndërsa një veturë e EULEX-it ka qëndruar jashtë objektit.
Mediumi serb raporton se rasti u është konfirmuar edhe nga zëvendësdrejtori i Policisë për rajonin e veriut të Kosovës, i cili ka thënë se ka pasur të bëjë me kontrollimin e një kasaforte për të cilën nuk ka pasur çelës më herët.
Aksioni është duke shkuar drejt përfundimit dhe nuk është raportuar për ndonjë incident.
Çka ndodhi?
Policia e Kosovës para pak ditësh njoftoi janë mbyllur gjashtë njësi të të ashuquajtures “Banka Postare Kursimore”.
Aty, u bë e ditur se janë konfiskuar prova materiale, në mesin e tyre euro, dinarë e dollarë.
“…rreth 1.600.000 euro, Rreth 74.700.000 dinar, Rreth 19.500 franga, Rreth 13.800 dollar amerikan, Rreth 40 dollar australian. Dokumentacione dhe prova relevante që ndërlidhen me rastin.
Gjashtë filiale të të ashtuquajturës ‘Bankë Postare Kursimore’ në veri të vendit janë mbyllur dhe në objektet e tyre janë vendosur shenjat zyrtare për mbylljen e tyre, përderisa të gjitha veprimet e mëtejme policore do të realizohen në bashkëpunim dhe koordinim me organet e drejtësisë.” – thuhej në komunikatë.
Ky aksion nxiti reagime të ashpra nga partnerët ndërkombëtarë.
