Një moment shumë i veçantë është bërë viral në rrjetin social “TikTok”.
Malik, një student amerikan, diplomoi në Universitetin e Gjeorgjias Perëndimore.
Kur emri i tij u thërrit në podium, drejtori përmendi faktin se nëna e Malikut është me mision të KFOR-it në Kosovë, raporton Indeksonline.
Maliku s’e kishte fare idenë se e ëma e tij ka udhëtuar nga Kosova për SHBA, për të befasuar djalin e saj.
Në momentin kur përmendet emri “Kosovë”, Malik shtanget dhe vrapon për të gjetur nënën e tij.
Nënë e djalë përqafohen përplot emocione, teksa të gjithë brohorasin.
Video e publikuar nga “Revolt” ka marrë mbi 3.3 milionë klikime.
