Sot mediat kanë raportuar se si një familje ka paguar mbi 900€ për pushime ‘ultra all-inclusive’ në një prej resorteve në Orikum të Shqipërisë, pot pas një dite “Sharr Travel” e ka njoftuar se oferta ishte me mëngjes dhe darkë.
Pagesa u krye më 15 qershor, për çka ‘Sharr Travel’ i lëshoi klientit edhe një ‘Voucher’ në të cilin është i bashkëngjitur edhe kuponi fiskal.
Por ndaj kësaj situate të palakmueshme ka reaguar “Sharr Travel” përmes portalit Frontonline, duke ia hedhur fajin punëtores se kinse i ka lëshuar ‘vaucher’ gabimisht.
“Sharr Travel njofton opinionin se klientja në fjalë ka paguar një ofertë mëngjes dhe darkë në vlerë prej 75 euro, por sipas tyre gabimisht punëtorja në vaucher ia ka shkruar All Inclusive”, thuhet në shkrimin e Frontonline, i cili i referohet një reagimi të “Sharr Travel”.
Lexo: https://frontonline.net/sharr-travel-qytetarja-mashtroi-opinionin-ajo-nuk-ka-udhetuar-fare-me-ne/
“Klientja në fjalë nuk është dëmtuar fare, ajo ka paguar shërbimin që ka promovuar kompania. Qytetarja në fjalë ka ardhur në kompani dhe asaj i janë kthyer të gjitha mjetet. Pra ajo nuk ka mundur as të mashtrohet dhe as të dëmtohet sepse nuk ka udhëtuar fare. Pra, parat që i ka paguar, i ka marrë të gjitha”, thuhet në deklaratën e Sharr Travel në Frontonline, deklaratë e cila nuk gjendet në faqen e “Sharr Travel” në faqen e tyre në Facebook, por që “Sharr Travel” e ka shpërndar këtë artikull si link, duke lënë të kuptohet se qendron pas tij.
