Drejtoria për Hetimin e Krimeve Ekonomike dhe Korrupsionit e Policisë së Kosovës ka arrestuar në Vushtrri Nazmi Mulakun, i njohur në opinion si Bio Mulaku.
Burime të Veriu info nga prokuroria bëjnë të ditur se ai është arrestuar në lokalin e tij ku punonte në Vushtrri prej shumë vitesh.
Siç mëson Veriu info, Nazmi Mulaku është arrestuar nën dyshimin e kryerjes së veprave penale ushtrim kundërligjshëm veprimtarisë mjekësore dhe mashtrim.
Së bashku me Nazmi Mulakun është arrestuar edhe një bashkëpunëtor i tij nha fshati Kçiq i Mitrovicës me inicialet P.I. (emër i njohur për redaksinë).
Ndryshe, Bio Mulaku në opinion është paraqitur si mjek popullor, duke publikuar edhe shumë video kinse gjatë “seancave” të “shërimit” të të sëmurëve./Veriu info
