Gazeta Online Veriu.info raportoi ekskluzivisht për arrestimin e Nazmi Mulakut, i njohur si Bio Mulaku, nën dyshimin për mashtrim.
Po ashtu me Bio Mulakun u arrestua edhe një bashkëpunëtor i tij, Përparim Ibishi.
Lidhur me këtë rast Prokuroria Themelore e Mitrovicës përmes një komunikate ka bërë thirrje të gjithë personave në cilësinë e të dëmtuarve që të lajmërohen në stacionin më të afërt policor për deklaratë.
Komunikata e plotë:
Mitrovicë, 18 korrik 2024 – Prokuroria Themelore në Mitrovicë, u bënë apel të gjithë personave që janë në cilësinë e të dëmtuarve, duke marrë tretman “mjekësor“, nga personat me iniciale N.M, dhe P.I., të cilët kanë zhvilluar veprimtarinë në biznesin Bio Mulaku në Vushtrri, e që dyshohen për veprat penale “Mashtrimi“ dhe “Ushtrimi i kundërligjshëm i veprimtarisë mjekësore ose farmaceutike”, të lajmërohen në stacionin më të afërt policor të vendbanimit të tyre për të dhënë deklaratë në cilësinë e të dëmtuarit/dëshmitarit.
Prokuroria Themelore në Mitrovicë në koordinim të plotë me Policinë e Kosovës janë duke vazhduar me trajtimin e këtij rasti.
