Ministrja e Jashtme e Kosovës, Donika Gërvalla, ka folur edhe në lidhje me hapjen e Urës së Ibrit, duke thënë se janë koordinuar me ndërkombëtarët.
Ajo u shprehur se kryeministri i vendit, Albin Kurti i ka thirrur ambasadorët e QUINT-it dhe është diskutuar hapja e kësaj ure.
“Nuk është e vërtetë që nuk jemi koordinuar për urën me faktorin ndërkombëtar, është shumë më e vërtetë që kryeministri Kurti i ka thirrur ambasadorët e Quint-it dhe është diskutuar hapja e urës dhe është diskutuar madje edhe cilët hapa teknik duhet ndërmarrë deri në hapjen e urës”.
Gërvalla tutje u shpreh se për ta është e papranueshme përgjigja “Ura nuk hapet”.
“Është shumë e vërtetë që ky është një rast që dallon ndoshta edhe nga disa raste në të kaluarën, ku vullneti ynë për koordinim me bashkësinë ndërkombëtare ka qenë i plotë”.
“Por, për neve është i papranueshme përgjigja “Ura nuk hapet”, për neve është e pranueshme përgjigja “Çfarë duhet të bëjmë ne si institucione, në cilin afat kohor, çka pritet prej nesh me qëllim që të gjithë së bashku ta realizojmë hapjen e urës”, është shprehur ajo në DPT te Fidani.
