Veriu.info ka raportuar se sot është bastisur shtëpia e një të dyshuari për vrasjen e djeshme të Florim Zeqirit në qytetin e Mitrovicës.
Burime të Veriu.info bëjnë të ditur se në shtëpinë e mërgimtarit të dyshuar V.S. në Pantinë të Vushtrrisë është gjetur një armë që dyshohet të jetë përdorur në kryerjen e vrasjen.
Përveç motoçilketës dhe armës, aty janë gjetur edhe 205 fishekë.
Siç mëson Veriu.info, pas Pantinës policia ka vazhduar me bastisje edhe në Runik të Skenderajt, ku është bastisur shtëpia e një familjari të të dyshuarit.
Të njëjtat burime bëjnë të ditur se dyshohet që V.S. pasi që ka kryer vrasjen në Mitrovicë është larguar me motoçikletë drejt Pantinës, ku në pjesën më të madhe të rrugës ka qenë nën shoqërimin e një veture me ngjyrë të kuqe.
Veriu.info sot disa herë ka tentuar të kontaktoj zëdhënësin e policisë për rajonin e Mitrovicës së jugut për ta konfimuar rastin, por i njëjti nuk e ka hapur telefonin.
