Mëngjesi i djeshëm ishte tragjik për Florim Zeqirin, i cili u qëllua me armë në rrugën “Fatime Hetemi” në Mitrovicë, dhe nuk arriti t’u mbijetojë plagëve të marra.
Veriu.info raportoi dje për ngjarjen tragjike, kurse sot ka raportuar ekskluzivisht për bastisje në shtëpinë e të dyshuarit.
Policia e Kosovës ka zbuluar identitetin e personit që dyshohet për vrasjen e djeshme në Mitrovicë, si dhe emrin e tij, raporton Gazeta Online Veriu.info.
Personi i dyshuar është Valdrin Salihu dhe policia kërkon ndihmën e qytetarëve për vendndodhjen e tij.
Veriu.info raportoi sot për bastisje në shtëpine e të dyshuarit ku u gjet arma dhe motoçikleta që dyshohet se u përdorën nga ai në veprën e rëndë, si dhe iu gjetën mbi 200 fishekë.
Njoftimi i plotë i Policisë:
Kërkesë për bashkëpunim
Me qëllim të lokalizimin dhe rrjedhimisht arrestimit të personit në kërkim, me autorizim të Prokurorit publikohet identiteti dhe fotoja e personit të dyushuar të shpallur në kërkim për veprën penale. “Vrasje” e ndodhur me datën 20 .09.2024, në rrugën ‘ Fatime Hetemi” në Mitrovicë.
Personi i kërkuar është:
• Valdrin Salihu i lindur me 11.08.1991
Policia e Kosovës, kërkon nga qytetarët që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192
– 028 532 363
– 38344763034
– E-mail adresa: [email protected]
