Lëvizja Vetëvendosje, në përvjetorin e rënies së rreshterit të Policisë së Kosovës Afrim Bunjaku pas sulmit terrorist në Banjskë të Zveçanit, ka përgatitur një video ku e paraqet veriun të çliruar dhe ku godet opozitën në të.
Në videon e shpërndarë në ‘Facebook’, Lëvizja Vetëvendosje thotë se “u zhgënjyen edhe të tjerët që thoshin nuk shkoni më atje, nuk guxoni” duke iu drejtuar opozitës, shkruan Insajderi.
Pos tjerash, në videon e tyre paralajmërohen edhe sulme të tjera nga ana e Serbisë.
“Policia e Kosovës kontrollon secilën pjesë të Republikës së Kosovës. Menduan se vetëm mund të hyjnë dhe nuk i prek askush në synimet e tyre terroriste. U zhgënjyen. U zhgënjyen edhe të tjerët që thoshin nuk shkoni më atje, nuk guxoni më etj“, thuhet ndër të tjera në video.
“24 shtatori është data kur u zhveshën përfundimisht të gjitha pretendimet e Serbisë mbi Republikën tonë. Nuk do dialog, nuk do paqe dhe nuk është e gatshme të jetë e barabartë me fqinjët e saj“.
Pas një viti, situata në veri duket krejtësisht ndryshe. Nuk ka më vila mbi liqe, furgona me dinarë, banda huliganësh, e terroristë të ngjashëm.
Radoiçiqët nuk kanë popull, ata kanë autokratë sipër vetës dhe terroristë përreth. Kosova është Republikë e Pavarur. Ata që nuk na njohën më mirë, na njohën në ikjen e tyre të fundit“.
