Planifikimit Hapësinor dhe Infrastrukturës ishin nën presion të Izedin Bytyqit për të vazhduar lejen ujore për operatorin ekonomik “Frutti”, pa i plotësuar kushtet ligjore dhe në kundërshtim me kriteret e caktuara në lejet paraprake.
Në dosjen e Prokurorisë, të cilën e ka siguruar gazeta Paparaci, thuhej se Bytyqi e ka arritur këtë duke ushtruar presion tek zyrtaret Besarta Bajgora dhe Mevlane Kuka, të caktuara për të shqyrtuar kërkesat për vazhdimin e lejeve ujore. Ndërkaq, Makfirete Dibrani, në cilësinë e zyrtares së ARPL-së, për shkak të kundërshtimit të vendimeve, kishte pësuar nga Bytyqi dhe Hafizi, të cilët kishin iniciuar disa herë procedura disiplinore, e po ashtu i kishin bërë vlerësim të dobët të performancës.
“E të cilat janë kërcënuar nga Naser Hafizi se po qe se nuk do të vepronin sipas kërkesave të tij, do të inicionte procedura disiplinore për largim nga puna”, thuhej më tej në dosje.
Në këtë dosje thuhet se Izedin Bytyqi “me datë 31.08.2021, ka nxjerr vendimin financiar për përllogaritjen e detyrimit financiar për operatorin ekonomik “Frutti”, të cilit për periudhën kohor prej vitit 2017 deri në muajin qershor 2021 i përcakton si detyrim financiar shumën prej 39,81 euro, ani pse ky operator ekonomik ka operuar si ambalazhues dhe përllogaritja e detyrimit për ujin e shfrytëzuar është dashur që t’i llogaritet për litër të shitur e jo për metër kub, pasi që kjo është në kundërshtim me udhëzimin administrativ”.
Bytyqi pastaj, ua ka mundësuar përfitimin e kundërligjshëm prej 10 për qind të pagës bazë për punë të kryera brenda orarit të punës zyrtareve Besarta Bajgora dhe Mevlane Kuka.
Ato nën presionin e të pandehurit Hafizi kishin përgatitur dosjet e operatorëve ekonomik dhe kanë hartuar vendimet e kundërligjshme për zvogëlimin e borxheve dhe vazhdimin e lejeve ujore, ani pse operatorët ekonomikë nuk i kanë plotësuar kushtet e kërkuara.
Izedin Bytyçi është arrestuar dje (e martë) pas një aksioni të Prokurorisë Speciale në zyrat e Ministrisë së Mjedisit, Planifikimit Hapësinor dhe Infrastrukturës, ndërsa është vënë në ndjekje zyrtari tjetër i ministrisë, Naser Hafizi.
