Po vazhdojnë problemet në mes të Feros dhe Arbenita Ismajlit në lidhje me vajzën e tyre.
Ish-reperi gjilanas pak më parë dokumentoi se ka fituar kujdestarinë e vajzës për një vit, ndonëse e kundërta u tha nga avokatja e modeles nga Kumanova.
Ata po vijojnë të mos dakordohen, ani pse këtë kohë vajza e tyre Nina ka qenë me ish-artistin.
I njëjti përmes një postimi në rrjete sociale ka theksuar se kur e mori vajzën nga nëna e saj kishte ndryshuar tërësisht dhe se për këtë akuzoi familjarët e Arbenitës dhe vetë atë.
“Deshta me ju lajmëru mediave që unë kam pasur te Qendra për Punë Sociale, kam pas me marrë vajzën të hënën, kur erdhi vajza nuk e njoha as vajzën time më thojke babi i keq edhe ma mshojke do të thotë, e ndikuar prej familjarëve të Arbenitës dhe prej Arbenitës. Kështu që sot e premte, prapë kam pas me ardh në bazë të vendimit të gjykatës dhe kjo i bie që kanë kaluar të gjitha limitet e padrejtësisë, më është shkelur çdo e drejtë për vajzën time, pres nga organet e shtetit që të marrin masa”, u shpreh ai.
Tutje, Fero tha se do t’i fitojë të gjitha betejat me ndihmën e Zotit dhe se nuk i duhet askush tjetër.
“Edhe e di që doni të më lëndoni, fatkeqësisht nuk është më e suksesshme, nuk lëndohem lehtë dhe se betejat e mia do t’i fitoj një nga një. Nuk kam mbrojtës tjetër përveç Allahut, Allahu më mjafton. Ju përshëndes të gjithëve, ju dua fort”, deklaron në fund.
