Rasti i gazetarëve Mehmetaj e Kajtazi, kryeprokurori në Prishtinë ka thënë se është vetëm duke u shqyrtuar, jo hetuar.
Prokuroria e Prishtinës ka mohuar se kanë nisur hetimet ndaj gazetarëve Lirim Mehmetaj dhe Vehbi Kajtazi, duke thënë se janë vetëm duke e shqyryuar rastin.
Kështu të paktën ka thënë për Albanian Post Kryeprokurori i Prokurorisë në Prishtinë, Zejnullah Gashi.
“Nuk kemi thënë se kanë nisur hetimet. Veç kemi thanë që i kemi shqyrtuar informacionet sa i përket pretendimeve të cilëve ju po iu referoheni, veç jemi t’u shku deri në fazën e shqyrtimit, jo të hetimit”, ka thënë Gashi për AP.
Gjatë ditës, u raportua se kanë nisur hetimet penale ndaj gazetarëve Vehbi Kajtazi dhe Lirim Mehmetaj, por që kryeprokurori i Prishtinës e mohoi, duke potencuar se rasti i tyre vetëm është duke u shqyrtuar.
Ky rast ka të bëjë me zbulimin e identitetit të zyrtarëve të Agjencisë së Kosovës për Intelegjencë (AKI).
