Përfaqësuesi i Kosovës për marrëdhënie me NATO-n, ambasadori Astrit Zemaj, ka vizituar ekspozitën e hapur në selinë e NATO-s e cila shënon përvjetorin e tërheqjes së trupave ruse nga Evropa Qendrore dhe Lindore 30 vjet më parë, transmeton VeriuInfo.
Ai me këtë rast thotë se antarësimi i Kosovës në Bashkimin Evropian dhe në NATO, është i domosdoshëm dhe i nevojshëm për të përmbyllur procesin e intergimit euroatlantik të shteteve të rajonit tonë.
Postimi i Astrit Zemaj:
Sot vizitova ekspozitën e hapur në selinë e NATO-s e cila shënon përvjetorin e tërheqjes së trupave ruse nga Evropa Qendrore dhe Lindore 30 vjet më parë.
Ekspozita dhe paneli shoqërues i mbajtur me këtë rast ditën e henë, është organizuar me iniciativën e Përfaqësisë së Përhershmë të Gjermansë në NATO, në koordinim edhe me kontribut në diskutime më Ambasadorët e Përfaqësive të Përhershme të Estonisë, Letonisë, Lituanisë, Hungarisë dhe Çekisë në NATO.
Në këto ditë dhe përvjetore si kjo, e shohim rendësinë e zhvillimeve të 30 viteve më parë të cilat ishin vendimtare për Evropën dhe gjithë të ardhmën e transatlantike. Padyshim se disa vite para kësaj (1989-1990)hapi kulminant dhe gurthemel në Evropë ishte rënja e Murit të Berlinit dhe ribashkimi I Gjermanisë.
Pa këto zhvillime dhe të tjera që pasuan, e ardhma e Bashkimit Evropian dhe NATO-s nuk do të kishte qenë kjo që e kemi sot, sepse mbetja e këtyre vrimave të zeza apo mos-terheqja e ushtrisë dhe bazave ushtarake ruse nga rajoni i Baltikut dhe vendve te tjera të Bllokut Lindor do të kishte pamundësuar të ardhmën e sotme.
Rusia as atëherë dhe as sot nuk kishte asnjë interes për të tërhequr forcat e dhe as nuk kishte dashur më vetëdeshirë që ta bënte këtë, por u detyrua ta bënte. Prandaj edhe sot po të ju krijohëj mundësia me siguri se ata do të dëshironin të riktheheshin. Lufta dhe agresioni rus në Ukrainë janë dëshmi për këtë.
Në ketë aspekt, kur ndalësh dhe shikon pamjet e kësaj ekspozite, padyshim që reflekton ne aktualitetin e sotëm, tek roli negativ dhe infulenca e saj ne Ballkan dhe rajonin tonë përmes fqinjit tonë verior dhe “sateliteve” të saj në Banja Llukë e cila është çdo ditë më e ashpër, dhe më agrsive.
Sulmet kibernetike dhe influenca malinje në rajon ka gjetur bazë, strehim dhe dirogjohët pikërisht nga ata. Të gjitha raportet e mekanizmave dhe institucioneve të sigurisë e theksojnë dhe i kanë faktuar këto veprime, sidomos rrezikun gjithnjë në rritje përmes sulmeve kibernetike dhe influnecës malinje. Prandaj ne ketë aspekt roli i NATO-s është dhe mbetët vendimtar për sigurinë dhe stabilitetin në rajonin tonë, e sidomos kur e rikujtojmë edhe depërtimin e forcave ruse dhe vendosjen e tyre në Kosovë në vitin 1999, të ardhuara nga Bosnja dhe Hercegovina përmes territorit të Serbisë.
Falë NATO-s, largëpamësisë së lidershipit të atëhershëm ushtarak të NATO-s në terren, dhe presionit të vendeve aleate rreziku i vitit 1999, fatmirësisht ishte menjanuar pa konflikt ushtarak e cila ka pasur rrezik të përshkallëzohej edhe në një luftë të radhës dhe me pasoja edhe më të rënda.
Prandaj antarësimi I Kosovës në Bashkimin Evropian dhe në NATO, është i domosdoshëm dhe i nevojshëm për të përmbyllur procesin e intergimit euroatlantik të shteteve të rajonit tonë. Kosova është prodhues i sigurisë në rajon dhe më gjerë, është shtet kredibil dhe e rreshtuar më BE dhe NATO-n, dhe e nuk ka dhe as që dëshiron një alternativë tjetër.
