Para dy ditësh kryetari i Lëvizjes Vetëvendosje, Albin Kurti, e ka ftuar mërgatën që të regjistrohen për të votuar për zgjedhjet e 9 shkurtit.
“Kanë mbetur vetëm edhe pak ditë afat që të regjistroheni për të votuar në zgjedhjet e ardhshme të 9 shkurtit. Për të shfrytëzuar të drejtën për të votuar duhet të regjistroheni online në faqen e Komisionit Qëndror Zgjedhor, e ku afati i fundit është data 26 dhjetor 2024, pra dita e enjte. Pa këtë regjistrim, nuk mund të votoni”, kishte thënë Kurti.
Duket se PDK-ja e ka problem të ju paraprijë proceseve e deklarimeve publike në raport me partitë tjera, pasi që ajo sot ka ‘kopjuar’ VV-në me thirrje drejtuar mërgatës për votim, shkruan Veriu.info
“Bashkatdhetarë të dashur, Në Evropë, Amerikë apo kudo që jetoni, nëse ende nuk jeni regjistruar për të votuar, regjistrohuni tani. Procedura është e shpejtë, e thjeshtë dhe shumë e rëndësishme. Afati i regjistrimit është vetëm deri më 26 dhjetor. Kosova mundet ma mirë!”, ka shkruar Hamza në Facebook, krahas një video mesazhi, njëjtë siç kishte vepruar edhe Kurti./Veriu.info
