“Fatkeqësisht shumë populliste…për një grusht votash”.
Ky është leximi që Driton Selmanaj, deputet i LDK-së, nxjerr nga ajo çfarë ndodhi dje në Komisionin Qendror Zgjedhor për moscertifikimin e Listës Serbe, dhe që u përdrodh nga Vetëvendosja për të sulmuar PDK-në e LDK-në – e që doli të ketë qenë “pa bazë ligjore” në vetë fjalët e kryetarit të KQZ-së, Kreshnik Radoniqi
Selmanaj thërret për kujdes në të qëndruarit konform ligjeve dhe integritetit institucional dhe rikujton se vetë Ministria e Brendshme dhe e Jashtme “që udhëhiqen nga sejmenë të Vetëvendosjes” ka kaluar Listën Serbe si parti për të garuar në zgjedhje pa dhënë konstatime se s’duhet të certifikohet.
“Mendoj se Vetëvendosja duke e parë trendin e saj rënës elektorat, provojnë fatkeqësisht që kartën e nacionalizmit ta përkthejë në votë”, tha Selmanaj në një intervistë për Nacionale.
Përndryshe, tha Selmanaj, po qe se vendimi për Listën Serbe të kishte ndjekur trajektore të sakt ligjore atëherë “ne i nënshtrohemi obligimeve ligjore që ky shtet ka ndërtuar”.
“Nëse KQZ ka informata që kjo Listë nuk duhet të regjistrohet ‘për këtë, këtë, këtë arsye’ në aspektin ligjor, edhe mund ta çregjistrojmë; por veprimt e kundërligjshme të institucioneve të pavarura ndaj kujtdoqoftë janë të papranueshme dhe duhet të kemi kujdes”, tha Selmanaj.
Selmanaj i kthehet dyshimet të veta ndja Vetëvendosjes karshi Listës Serbe.
“(…) organizonin seanca në tavan vetëm e vetëm që t’i vazhdojnë Listës Sebre mandatin”, tha ai, dhe rikujtoi se si – ndonëse në bazë të ligjit – ishin VV-ja që votuan në ndarjen e 300 mijë eurove në KQZ për Listën Serbe.
Selmanaj e ngrit në oktava edhe më të larta dyshimit se ka një reciprokim të ndihmës mes Kurtit dhe Vuçiqit “saherë që këta kanë nevoë”.
Këtë e quajti ai “marrëveshje në heshtje” mes Kurtit dhe Vuçiq.
“Ne paradite kishim lajm që Chris Hill e Hovenier dhanë qëndrim shumë sa të ndijshëm po aq edhe që të gjykojmë se kah po shkojmë, thanë ‘nuk kanë prova që Beogradi është i përfshirë në sulmin në Ibër Lepenc’ dhe menjëherë pas dite vendim mori KQZ. Nuk po du t’i lidhi, por njerëzirt duhet të mendojnë çfarë po ndodh”, tha ai.
