Gazetari Vehbi Kajtazi thotë se një nga personat që e kërcënuan me jetë ka marrë pjesë dje në një tubim të VV-së në Gjakovë.
Sipas tij, tash po e kupton nga buron urrejtja e personi që e kishte kërcënuar.
Në profilin e tij në “Facebook”, ai ka shkruar se “këtë lloj helmi Albin Kurti e ka injektuar kudo në popull”.
“Tash po e kuptoj nga buron urrejtja e nje te ashtuquajturi avokat, ndaj meje. Driton Dobruna, i denuar vitin e kaluar me pese muaj burgin efektiv per kercenim ndaj meje tashme po shfaqet si nje aktivist i partise ne pushtet. Si i tille, Dobruna u shfaq sonte ne nje tubim te vogel te Vetevendosjes ne Gjakove ne te cilin foli edhe kryetari i Kuvendit, Glauk Konjufca. Dobruna, i cili ne gjykate u pati arsyetuar se ka probleme te shumeta, e edhe “mendore”, duket qe eshte helmuar nga partia ne pushtet me urtejtje, mllef, dhune kunder atyre qe nuk mendojne si partia ne pushtet. Kete lloj helmi, Albin Kurti ka injektuar kudo ne popull. Sherimi prej tij do te jete i veshtire dhe kosto te larte”, ka shkruar Kajtazi.
Gjykata Themelore e Prishtinës e kishte shpaluar fajtor dhe dënuar, Driton Dobrunën për akuzën se ka kanosur gazetarin Vehbi Kajtazi, përmes rrjetit social Facebook më 09 tetor 2024. Dobruna u dënua me 150 ditë dënim me burgim, dënim i cili do të zbatohet pasi aktgjykimi të merr formën e prerë.
“A e din cila dhimbja më e madhe për një qenie, – me ly me benzinë, e pas dy minutave me shu me zjarrfikës, e këtë me e përsërit disa herë deri sa të vdesësh, më ke vrarë, tani jam vetëm si trup i pa shpirt, të jesh i sigurt, premtimin do ta mbaj, unë e ti së bashku në ferr”- ishin fjalët që i kishte dërguar i akuzuari gazetarit Kajtazi.
