Kryeministri i Kosovës, Albin Kurti, në një tubim zgjedhor teksa ka përmendur Byronë për Konfiskimin e Pasurisë së Paluajtshme, ka thënë se kushdo që është pasuruar, e di se nga i ka të ardhurat.
“Po nuk besoj najkush që munet me thanë: Vallahi s’po më kujtohet qysh i kam ba paret. A? Besoj që kushdo që bën pare, i kujtohet”, deklaroi Kurti, shkruan Insajderi.
Megjithatë, ministri i Infrastrukturës, Liburn Aliu, një figurë aktualisht jo fort e dashur për shefin e Qeverisë, s’i kujtohej metri katror i banesës që kishte blerë në ‘Marigona Hill’ përgjatë qeverisjes Kurti 2.
“Kur e kemi marrë banesën në fillim ka kushtuar shumë më lirë në fillim. Këtë tjetrën ka qenë shumë më shtrenjtë. S’më kujtohet saktë”, kishte thënë ai.
Aliu është lënë jashtë listës zgjedhore të VV’së për zgjedhjet parlamentare. Ai s’po shihet as në tubime të VV’së.
Lidhur me këtë, ka qarkulluar edhe një video satirizuese në rrjete sociale:
