Kandidati i PDK-së për kryeministër, Bedri Hamza, ka vizituar kompaninë “Muqa Solar Group” në Suharekë, për të cilën ka thënë se është dëshmi se energjia solare është edhe një mundësi e mirë ekonomike.
Hamza ka thënë se do ta krijojë një agjenci One-Stop-Shop për t’i përshpejtuar dhe lehtësuar dhëniet e lejeve për investitorët privatë në energjinë e rinovueshme.
Ai ka thënë se nuk ka zhvillim të qëndrueshëm pa furnizim stabil me energji elektrike.
Hamza ka premtuar se do të krijojë mundësi të reja dhe thjeshtëzim të procedurave për investim në energjinë e ripërtritshme nga sektori privat.
“ Investimet në energjinë e ripërtërishme më nuk do të zvarriten. Agjencia One-Stop-Shop është zgjidhja e duhur dhe të gjitha procedurat, përfshirë kërkesat, verifikimet dhe lëshimi i lejeve për investitorët, do të bëhet në një sportel të vetëm.” – ka thënë Hamza.
Video: KETU
