Sipas RadioTelevizionit të Kosovës, FSK-ja mori pjesë në një varrim të një ish-ushtari më 24 nëntor. Fotografitë u publikuan në Facebook nga Kryeministri i vendit Albin Kurti.
Kjo situatë u bë “mollë sherri” ndërmjet FSK-së e KFOR-it, përçka Ministri i Mbrojtjes Ejup Maqedonci, dërgoi letër me shkrim, ku u zotua para KFOR, se nuk ndodh më që FSK-ja të shkoj në veri, pa u koordinuar me misionin e NATO-s, ashtu siç është e paraparë në letrën e mëparshme të vitit 2013.
Maqedonci vet e ka konfirmuar se është zotuar te KFOR-i që nuk do ta dërgoj ushtrinë në veri, anipse shefi i tij Albin Kurti para pak ditësh e quajti si skandalin më të madh të ish-qeverive pikërisht këtë zotim.
