Zëdhënësi i KQZ’së, Valmir Elezi, në një përgjigje për Gazetën Express, ka thënë se arsyeja pse janë publikuar rezultatet për subjektet politike për 21 vendvotime ose 0.83 për qind është se pas numërimit të votave materiali zgjedhor përfshirë formularët e rezultateve janë vendosur brenda kutive e jo mbi to, sic parashihet me procedurë.
Ai ka shtuar se të dhënat nga këto 21 vendvotime do të përditësohen kur të fillojë numërimi i votave të kandidatëve për deputetë.
“Ju njoftoj se arsyeja pse ende nuk janë publikuar rezultatet preliminare për subjektet politike nga 21 vendvotime apo 0.83% e tyre është se pas numërimit të votave të subjekteve politike, materiali zgjedhor, përfshirë edhe formularët e rezultateve, janë vendosur brenda kutive të votimit dhe jo mbi to, siç e parashihet me procedurë. Andaj, të dhënat nga këto vendvotime nuk mund të përditësohen tani, pasi hapja e kutive të votimit nuk mund të bëhet në këtë fazë, por vetëm kur të fillojë procesi i numërimit të votave të kandidatëve për deputetë.”
“Sipas përditësimit të fundit, në platformën elektronike të rezultateve, janë ngarkuar të dhënat nga 2,512 (99.17%) vendvotime nga gjithsej 2,533. Numërimi i fletëvotimeve për subjektet politike ka përfunduar më 9 shkurt.”
