Në zgjedhjet e së dieles LDK-ja si subjekt politik pati një ngritje prej rreth 5%, por kjo ngritje ishte kryesisht reflektim i votave të marra nga kjo parti politike në Prishtinë, Gjilan, Pejë e Podujevë, ku si parti kishte ngritje të ndjeshme në përqindje dhe në sasi të votave.
LDK-ja për të rritur votat kishte përdorur edhe një taktikë gjatë hartimit të listës për deputet, duke futur si kandidat edhe shumicën e kryetarëve të komunave që vijnë nga kjo parti, me shpresën se do ta përkthejnë rezultatin e zgjedhjeve lokale në rezultat për zgjedhje parlamentare, raporton Veriu.info.
Në mesin e kryetaëve që ishin kandidat për deputet nga LDK-ja, ishte edhe kryetari i komunës së Obiliqit, Xhafer Gashi, i cili në zgjedhjet lokale të vitit 2021 kishte arritur ta fitoj komunën përmes Iniciativës Qytetare për Obiliq, duke marrë 48% të votave në raundin e parë, e pastaj në balotazh kishte fituar 61% të votave.
Por 9 shkurti ka gjasa të mbetet si datë ogurzezë në mbamendjen e Xhafer Gashit, pasi që LDK-ja që e udhëheq ai në Obiliq pësoi humbje të thellë nga Vetëvendosje, duke arritur të marrë vetëm 23% të votave, anipse ai udhëheq më komunën, raporton Veriu.info.
Përveç humbjes që e pësoi LDK-ja në Obiliq, kjo parti pësoi humbje edhe në vendlindjen e Xhafer Gashit, që është fshati Kryshec (Dardhishtë).
Në shkollën e vendlindjes së Xhafer Gashit, LDK-ja mori vetëm 32% votave kundrejt LVV-së që udhëhiqet në Obiliq nga Halil Thaçi, që mori 60% të votave./Veriu.info
