Analisti politik Ylli Hoxha ka deklaruar se Lëvizja Vetëvendosje duhet të analizojë gabimet e saj gjatë qeverisjes, pasi performanca në disa dikastere nuk ka përmbushur pritjet e elektoratit – gjë që sipas tij, çoi në rënien e VV-së në 40.86 për qind nga 50 për qind që mori në zgjedhjet e 2021.
“VV më së pari, gabimi i parë duhet të analizohet prej qeverisjes. Sepse je ne qeveri katër vjet, dhe ti me veprime e mosveprime e hidhëron një pjesë të elektoratit. VV ka ardh si forcë e transformimit të madh, me pritje të mëdha, me 50 për qind mbështetje. Dhe performona në dikastere të shumta nuk ka qenë as për afër pritjeve që janë gjeneruar në vitin 2021. Dhe besoj që kjo është pjesë kryesore e gabimit, e problemit. Tash tjerat, mund të ia varim fushatës”, ka thënë Hoxha në Debat Plus.
